სილქნეტი წინანდლის მუსიკალური საღამოს პირდაპირ ტრანსლირებას უზრუნველყოფს

6 სექტემბერი, 2017

 

14 სექტემბერს ჭავჭავაძეების მამული ხატია ბუნიათიშვილს და ისრაელის ფილარმონიულ ორკესტრს უმასპინძლებს. 130 მუსიკოსით დაკომპლექტებული  ორკესტრი, ლეგენდარული ზუბინ მეტას დირიჟორობით საქართველოს პირველად ეწვევა. ამ კონცერტით გაიხსნება წინანდალში ახალი მუსიკალური ცენტრი, რომელიც ძველი ღვინის მარნის ტერიტორიაზე  განთავსდა და 1000 სტუმარზეა გათვლილი.  

ღონისძიების წარმდეგნია კომპანია „სილქნეტი“, რომელიც, ამავე დროს, საქართველოს მასშტაბით ამ მუსიკალური საღამოს პირდაპირ ტრანსლირებას უზრუნველყოფს. "სილქ უნივერსალის“ მეშვეობით.  არხი ხელმისაწვდომია როგორც სილქნეტის ქსელში, ისე ციფრულ და საკაბელო მაუწყებელში.
კონცერტი  “Chek in Georgia” ფარგლებში ტარდება. პარტნიორები არიან: "TBC Status“, “Club Iveria“, “Porsche“, "Chronograph’’,  მედია მხარდამჭერი - "National Geographic საქართველო“. 

ჭავჭავაძეების მამული მრავალი წელია ინარჩუნებს საუკუნეების მანძილზე წინანდალში დამკვიდრებულ კულტურისა და ისტორიის ცენტრის სტატუსს. თითოეული ღონისძიება, რომელიც ამ აღდგენილ, დამშვენებულ სივრცეში ტარდება კომპანია „სილქნეტისა“ და სილქ როუდ ჯგუფის პატრონაჟით მიმდინარეობს.